Gua Musang dan Pasir Puteh

sekut raya bau dohni di hidung masing-masing.buleh bayang doh gano suasana pakat main bedil malam raya,dengan dengar ore takbir di sejid gapo.tapi bukan semo balik malam raya dih?aci gapo balik 4,5,60,70 ari sebelum raya.tok RARE la balik lambat-lambat.xsoh nak Amerika sangatlah balik lambat.abis musim doh amerika.

tapi amerika dok amerika,kalu di amerika pun accident mati jugak,soh ko di malaysia.tadi berito ada oyak statistik jalan maut di Malaysia sempena musim ore raya tupat ni.salah satunyo di KUALA LIPIS-MERAPOH-GUA MUSANG.mitok tulong lajok lah saing-saing,anak beranok bawak keto,bawok muto molek.jangan duk laju.naik 120 sudoh.haha.ok gura bodo jah tu.ni hok sengoti.JANGAN BAWAK LAJU.xlari eh umah kito di kampung.tera mikir,kito nk ore kampung sambut kito nga kompang ko or nga bacaan Yaasin?jangan loghat deh.sabar!tapi hok sebenarnya jalan mano-mano pun bahaya.asal ko nama jalanraya jah,meme bahaya la.

hok mano naik bus,pese etek ko drebar bus jangan bawok bus laju-laju.hok mano ayoh,abe,anak beranok hok ada drebar bus,pakat hello laluh.pese biar nanoh telingo dio.suruh berhati-hati di jalan raya.tahulah demo bowok bus besar,tapi jange duk MESENG sangat.nyaknyo ore hok bowok keto nate hok kecik2..supo keto kancil.tok kiro la kancil convert TURBO pun.de tepuh hacur po tulo.kalu brutuk lajok drebar bus ngatuk,gi la wat neme dio bual.go head la bual gapo pun asalkan hilang ngatuk dio.nok suruh segar lagi ajak sore duo adik-adik manis gi duk sebelah dio.tak po lah tahan la untuk kali ni jah.asalkan selamat sapa kampung masing-masing.tapi JANGAN buat maksiat pulok.koho berat nanang jadinyo.

untuk ore kampung dan kerajaan negeri buleh doh la pasang kain retang besar sikit di sempadan negeri,GUA MUSANG dan PASIR PUTEH.hok mano balik kot Merapoh,tubik di Gua Musang,hok mano lalu kot Ganu tubik di Pasir Puteh.tapi kalu de masuk jah sempadan negeri,jangn duk lonjok pulok..gamak ko di Kelate tok leh accident.po kaweo oyak tadi ah.bowok slow jah..xpo lambat,asal sapa.INGAT anok bini,ore tuo di umoh etek.

po kawe kato tadi lah,sekut raya bau doh ni kot bira idung.SELAMAT HARI RAYA lah belako-lako.maaf zahir batin.bedil nak main buleh,tapi pekong derah-derah jangan duk main niti kot bira tangan.

nota kaki : Gua Musang dan pasir Puteh sempadan bagi negeri Kelantan dengan negeri Pahang dan Terengganu