bako berani menang sorak,bako berani piala diarak

tok caro kokre doh.kali ni post kawe straight kawe nak kecek kelate.20 tahun sebelum kelahiran kawe atau dengan kata lain hari ni 40 tahun badi Piala Malaysia buleh dipecahkan.selepas 84 edisi akhirnya negeri kebanggaan kawe sampai mati,Kelantan telah berjaya dengan jaya di bawah kendalaian B.Sathia menjulang Piala Malaysia.

malas nak kecek eh katok sek mano.wat mari la Giant ko,Hobeng Hood ko kawe katok belako sekali ni.bukan nak kecek besar gapo,tapi pade la dengan ore duk kato macam-macam ko negeri Kelate.Kelate mundur,Kelate bolok wok,Kelate daif,gapo nyo tok kato.tapi sek luar tak sedar,rama hok kijo sedap hok keto besar bas tu anak jati Kelate.ni contoh sek mulut purah,hati busuk

http://popolita.blogspot.com/2010/10/setuju-tak-kalau-kita-letak-penyokong.html#comments.

tok tahu gapo satu,tok tahu nak marah gapo yak nyo redah sedap-sedap ko rakyat kelate.bukan semua hok perangai gitu.contoh male budak kutip bola kena pekong mercun ko penonton Kelantan hok bengong,tapi ore-ore tua pakat marah dan siap pekong botol air ko ore hok pekong mercun tu.demo ingat semua ore Kelate ko bengong?kalu semua hok bengong bakpo masa main sepauh akhir di Kedah molek-molek duduk sebelah penyokong Kelate ngan Kedah.kecek bijok,tulis bijok baru ore panggil bijok.

ni Tok Guru Nik Abdul Aziz Nik Mat merangkap Menteri Besar siap wi semangat dengan cara Islam lagi.dia sendiri tok wi dan tok suko keganasan.dan untuk pengathuan semua yang tok tahu termasuk ore Kelate sendiri,kalu ikut ere,tok guru rajin sound doh game di Kota Bharu sebab ado penonton wat bowok dero Pas.walaupun Tok Guru mursyidul am Pas tapi Tok Guru tok se sukan dipolitikkan.

kawe malas nak ulas game male tu sebab kawe sakit telingo,kena tiup vuvuvela ko sore budak kecik di telingo 4,5,6 kali.sakit tubuh duk nopat sukonyo Kelate menang.sakit tubuh jugak naik bus gi mari semata-mata untuk Kelate kito.sakit tekok duk teriok,jerit maso game.tapi berbaloi dan teramat syukur dengan kurniaan Allah S.W.T.puah ati walaupun tiket mahal kena lipat ko FAM.

tapi maring start pukul 8 pagi,rapat sapa abis game Bukit Jalil jadi supo Bukit Jawa di Pasir Puteh.bau budu serata tempat.semua pakat kecek Kelate.ada duo tigo ekor jah sek Negeri Sembilan telepas kat tempat kito.dale stadium jangan cerito la.lautan merah tenggelamkan longkangan kuning.rama ore-ore luar termasuk Terengganu,Kedah dan Perak sokong Kelate.kawe tahu sebab saing-saing kawe rama hok negeri lain tapi pakat gi Bukit Jalil male.majoriti tempat duduk Kelate pegang boh deh.60 000 lautan merah memenuhi stadium Bukit Jalil.

terima kasih rakyat Kelate hok sporting,hok bijok,hok 'comey lote',hok kala muka,hok paka topeng hantu,hok jate tapi pakai 'bra' tok soh cerito la,pahtu hok bijok sekali ko tok bomoh kito,pelakon terkenal Osman Kering.dio ni ore Kulim,P.Puteh.male dio nyo gi siup kemenyan so stadium.jadi molek nyo bomo sapa ko bara api kemenyan jatuh ko tempat duduk penonton.mujur la jatuh ko lucu,kena wat time kalah gak make nimbuk patoh tulang la.bare kurus doh.

kito pakat hadiah Piala Malaysia (Piala Malaya,Piala HM Malaya) kepada raja baru kito Sultan Muhamad ke V.DAULAT TUANKU.